LDR (:

LDR (:

   December 11, 2011       FJ

---

Ano ang "LDR"? ang ibig sabihin nito ay Long Distance Relationship, ano naman ang ibig sabihin nito? Ito ay isang klase ng relasyon kung saan may dalawang taong nagmamahalan na malayo sa isa't isa. Matindi ang hinaharap ng mga taong nasa ganitong kalagayan, DISTANSYA/DISTANCE ang matindi nilang kalaban, pero hindi lang basta distansya, isang MALAYONG DISTANSYA o LONG DISTANCE, hindi lang basta basta metro o kilometro ang layo, kung hindi, daan o libong milya.

Isa sa mga pinakamasayang pangyayari sa isang tao ay kapag kasama niya ang taong minamahal niya. Nararamdaman mo ang presensya nya dahil nasa tabi mo lang siya. Kung minsan pa nga, kahit isang kanto lang ang layo niyo sa isa't isa, at minsan lang magkita ng personalan pero kahit kelan, posibleng magkita pa rin kahit anong araw o oras pero hindi mo pa rin maiiwasan mamiss ang taong mahal mo dahil wala siya sa tabi mo. Paano pa kaya ang mga nasa LDR? di ba mas mahirap? daan o libong milya ang layo, ilang bundok at ilang dagat o ilog ang pagitan at bihirang bihirang magkita, kung minsan taon pa ang aabutin bago kayo magkitang muli. Mas lalo mong namimiss ang taong mahal mo, dahil hindi mo siya palaging nakakasama. At kung minsan, ang sarap humiling na sana... may super powers ako, sana... makalipad ako, at sana... makapagteleport ako, makapunta lang sayo.

Madami sa mga nasa LDR, nakakaSurvive, nagtitiis, at naghihintay. At dahil nasa cyber age tayo ngayon, madaming paraan para makausap mo pa rin ang taong mahal mo kahit na malayo siya sayo. Text or Call/ Chat or Video Call, ibang klase talaga ang teknolohiya. Pero kahit na may mga ganitong klase ng paraan, iba pa din yung pakiramdam na gusto mo siya makita sa personal, yung tipong magddate kayo sa theme parks o restaurants, yung makakapagHHWW kayo na pa-sway sway pa, yung mayayakap mo siya ng mahigpit at makakasama ng masaya at maayos, hindi ba ang sarap ng ganon? 

Pero huwag kang mag alala, hindi naman puro kalungkutan ang love story ng mga LDR. Siyempre, may mga magagandang bagay ang dulot ng pagiging malayo niyo sa isa't isa (THINK POSITIVE). Isa sa dahilan kung bakit madaming relasyon ang natatapos.. ay dahil sa nagkakasawaan. sa mga LDR, yan ang hindi nila minsan nararamdaman, dahil kasabikan ang nararamdaman nila para sa isa't isa. Naghihintay sa araw na magkakakasama muli, naeexcite ba! Nagiging STRONG ang TRUST and LOVE (hindi ko alam kung lahat ganito) pero sa pagkakaalam ko, madami ang nagtatagal dahil malaki ang tiwala ang nila sa isa't isa, at nagiging matibay ang pagmamahalan, dahil sabay silang lumalaban sa pagsubok na dala ng LDR. Isa pa, nagiging daan ito upang mapagtibay ang pagpapasensya ng taong naghihintay.

Hindi lahat ng nasa LDR, nakakasurvive, may ilan natatapos, hindi nalabanan ang distansya at hindi nakakaya ang sakit. Ang ilan hindi kinaya ang paghihintay at napapagod dahil sa tagal, ang ilan naman nakukulangan dahil hindi nila maramdaman ang presensya ng taong mahal nila, kaya nagsasawa at naghahanap ng kalinga ng bagong pagmamahal sa iba kaya nawawala ang tiwala sa isa't isa at humihina ang pagmamahalan. Kung minsan, gaya ng normal na relasyon, may mga hindi nagkakaintindihan o nagkakaunawaan dahil sa parehas nilang nararamdaman, nadadaan ang lahat sa galit, nag aaway at hindi makapagpatawaran kaya natatapos ang lahat at nauuwi sa wala.

Marami na akong kakilala at nasaksihan na nasa ganitong klase ng sitwasyon, at isa na ako doon. Aaminin ko.. Mahirap talaga. Mahirap kasi malayo siya sayo, hindi mo siya nakakasama o nakikita, hindi mo alam kung ayos lang siya, hindi mo siya maalagaan ng maayos, hindi mo maiparamdam kung gaano mo siya kamahal. Sa lahat ng nasaksihan ko, malungkot ang ending, dahil  madami din ang hindi kinakaya ang layo ng distansya at kahit papaano madami pa rin ang nasa happy ending dahil may nagtatagumpay pa din, big achievement nga kung tutuusin, parang nanalo sa lotto, dahil pagkatapos ng lahat ng paghihirap na pinadaanan, matinding saya naman ang kapalit nito, kapag nakasama mo na muli ang taong minamahal mo. Kung minsan talaga nakakatakot pumasok sa ganitong klase ng relasyon, pero ako, natakot man ako, hindi ko pa rin ito tinalikuran, naging matatag pa nga ako. Hindi ako nagsisi o naghihinayang kasi, PINILI at GUSTO ko ito, kaya paninindigan ko ito at aabutin ko ang ninanais ko kung bakit ko ito pinili at iyon ay ang MAKASAMA KO ANG TAONG MAHAL KO♥

Kaya sa mga nasa Long Distance Relationship,

KAYANG KAYA NATIN ITO! TIWALA LANG! MAKAKASAMA MO DIN SIYA ♥ (:

"Love finds a way" -- Maging matatag sa lahat ng problema at pagsubok dahil hindi hadlang ang distansya para sa dalawang taong lubos na nagmamahalan. "Don't measure the distance, measure the love" FIGHT! (:

Time and distance don't mean anything when you know you will embrace and hold each other again♥